Theatergruppe BLAUEN
image1 image2 image3 image3

Sali zämme

Alli tien uf d Zuekunft hoffe.
Au Theatergruppe isch betroffe.
Homeoffice und Abstand näh.
Niene darfs e Alass gäh.
Bühni baut, ganz viel Probezyt.
Dr ganzi Ufwand jetzt für nüt!
Obwohl myr truurig sin, isch klar,
im nägschte Johr wird’s wunderbar.
Zämmehebe neu definiere.
Zämme d Geduld nit au verliere.
Solidarität wird wieder glehrt.
Isch sicherlich nit ganz verchehrt.
S Wichtigschte isch: blybet gsund
Denn het die Zyt Verzicht e Grund.
Liebi Theaterfründe machets guet.
Viel Zuversicht und ganz viel Muet!
Im nägschte Johr goht dr Vorhang uf.

Adieu zämme, myr freue uns druf.


Theatergruppe Blauen

2020  tgblauen.ch